Borewell Solutions: ಬೋರ್ವೆಲ್ ಕೊರೆಸುವಾಗ ನೀರು ಬರದಿದ್ದರೆ ಏನು ಮಾಡಬೇಕು? ಡ್ರೈ ಗ್ಯಾಪ್ಸ್, ರೀಚಾರ್ಜ್, ಕೇಸಿಂಗ್ ಪೈಪ್ ಮಹತ್ವ, 1 ಇಂಚು ನೀರಿನಿಂದ ಕೃಷಿ ಮಾಡುವ ವಿಧಾನ ಸೇರಿದಂತೆ ಸಂಪೂರ್ಣ ಮಾಹಿತಿ ಇಲ್ಲಿ ತಿಳಿದುಕೊಳ್ಳಿ…
ನೀರಿಲ್ಲದೆ ಜೀವನವೇ ಇಲ್ಲ ಎಂಬುದು ಎಲ್ಲರಿಗೂ ಗೊತ್ತಿರುವ ಸತ್ಯ. ವಿಶೇಷವಾಗಿ ರೈತರಿಗೆ ನೀರು ಅಂದರೆ ಜೀವನಾಡಿ. ಮಳೆ ಆಧಾರಿತ ಕೃಷಿ ಇಂದಿನ ಹವಾಮಾನ ಬದಲಾವಣೆ (Climate Change) ಪರಿಸ್ಥಿತಿಯಲ್ಲಿ ತುಂಬಾ ಅನಿಶ್ಚಿತವಾಗಿದೆ.
ಅದಕ್ಕಾಗಿಯೇ ಅನೇಕರು ಕೊಳವೆಬಾವಿ ಅಥವಾ ಬೋರ್ವೆಲ್ (Borewell) ಮೇಲೆ ಅವಲಂಬಿತರಾಗಿದ್ದಾರೆ. ಆದರೆ ಬೋರ್ವೆಲ್ ಕೊರೆಸುವಾಗ ನೀರು ಸಿಗದೆ ಹೋದರೆ, ಅದು ರೈತನಿಗೆ ಭಾರೀ ಮಾನಸಿಕ ಮತ್ತು ಆರ್ಥಿಕ ಹೊಡೆತವಾಗುತ್ತದೆ.
ಈ ಲೇಖನದಲ್ಲಿ ಬೋರ್ವೆಲ್ ಕೊರೆಸುವಾಗ ನೀರು ಬರದಿದ್ದರೆ ಏನು ಮಾಡಬೇಕು? ತಕ್ಷಣ ನಿಲ್ಲಿಸಬೇಕಾ? ಇನ್ನಷ್ಟು ಆಳಕ್ಕೆ ಹೋಗಬೇಕಾ? ಕೇಸಿಂಗ್ ಪೈಪ್ (Casing Pipe) ತೆಗೆದುಹಾಕಬೇಕಾ? ಅಥವಾ ಬೋರ್ವೆಲ್ ಅನ್ನು ಉಳಿಸಿಕೊಳ್ಳಬೇಕಾ? ಎಂಬ ಎಲ್ಲ ಪ್ರಶ್ನೆಗಳಿಗೆ ವಿವರವಾದ ಉತ್ತರವನ್ನು ತಿಳಿದುಕೊಳ್ಳೋಣ.
ಇದನ್ನೂ ಓದಿ: 20 Liter Milk Giving Deshi Cow: ₹15 ಸಾವಿರದಲ್ಲಿ 20 ಲೀಟರ್ ಹಾಲು ನೀಡುವ ದೇಸಿ ಹಸು | ರೈತರಿಗೆ ಸುವರ್ಣಾವಕಾಶ
ಬೋರ್ವೆಲ್ ಪ್ರಾರಂಭದ ಉತ್ಸಾಹ, ನಂತರದ ಆತಂಕ
ಸಾಮಾನ್ಯವಾಗಿ ಬೋರ್ವೆಲ್ ಕೊರೆಸುವ ಮುನ್ನ ನಾವು ಹಲವು ಪದ್ಧತಿಗಳನ್ನು ಅನುಸರಿಸುತ್ತೇವೆ. ಕೆಲವರು ರಾಹುಕಾಲ ತಪ್ಪಿಸಿ, ಅಮಾವಾಸ್ಯೆ ದಿನ ಬಿಟ್ಟು, ಶುಭ ದಿನ ಆಯ್ಕೆ ಮಾಡಿ ಪೂಜೆ ಮಾಡಿ ಪ್ರಾರಂಭಿಸುತ್ತಾರೆ.
ಪ್ರಾರಂಭದಲ್ಲಿ ನೂರಾರು ಜನರು ಸೇರಿ ಶುಭಾಶಯ ಹೇಳುತ್ತಾರೆ. ಆದರೆ 800 ಅಡಿ, 1000 ಅಡಿ ದಾಟಿದ ಮೇಲೆ ನೀರು ಬರದೇ ಇದ್ದರೆ, ಆ ಸ್ಥಳದಲ್ಲಿ ಮಾಲೀಕ ಮತ್ತು ಡ್ರಿಲ್ಲರ್ ಹೊರತುಪಡಿಸಿ ಯಾರೂ ಉಳಿಯುವುದಿಲ್ಲ.
ಅಲ್ಲಿ ಪ್ರಾರಂಭವಾಗುವುದು ಮನಸ್ಸಿನ ಒತ್ತಡ. ‘ನೀರು ಬರದೆ ಹೋದರೆ?’, ‘ನನ್ನ ಬೆಳೆ ಉಳಿಯುತ್ತದಾ?’, ‘ಈ ಲಕ್ಷಾಂತರ ರೂಪಾಯಿ ಹೂಡಿಕೆ ವ್ಯರ್ಥವಾಗುತ್ತದಾ?’- ಈ ಪ್ರಶ್ನೆಗಳು ರೈತನನ್ನು ಒಳಗೆ ಒಳಗೆ ಕಾಡುತ್ತವೆ.
ಡ್ರೈ ಗ್ಯಾಪ್ಸ್ (Dry Gaps) ಎಂದರೇನು?
ಬೋರ್ವೆಲ್ ಕೊರೆಸುವಾಗ ಕೆಲವೊಮ್ಮೆ ಹಲವು ನೂರು ಅಡಿಗಳವರೆಗೆ ಬರೀ ಧೂಳು (Dust) ಅಥವಾ ಒಣ ಕಲ್ಲು ಪುಡಿ ಮಾತ್ರ ಬರುತ್ತದೆ. ಇದನ್ನೇ ನಾವು ‘ಡ್ರೈ ಗ್ಯಾಪ್ಸ್’ (Dry Gaps) ಎಂದು ಕರೆಯುತ್ತೇವೆ. ಆದರೆ ಗಮನಿಸಬೇಕಾದ ಪ್ರಮುಖ ವಿಷಯ ಏನೆಂದರೆ, ಡ್ರೈ ಗ್ಯಾಪ್ ಇದ್ದರೆ ಅಲ್ಲಿ ನೀರೇ ಇಲ್ಲ ಎಂದರ್ಥ ಅಲ್ಲ.
ಭೂಮಿಯ ರಚನೆ (Geological Formation) ಬಹಳ ಜಟಿಲವಾಗಿದೆ. ಮೇಲ್ಮೈಯಲ್ಲಿ ಒಣಗಿದ ಕಲ್ಲು ಇದ್ದರೂ, ಅದರೊಳಗೆ ಸಣ್ಣ ಸಣ್ಣ ಚಿರಕುಗಳು (Fractures) ಇರಬಹುದು. ಆ ಚಿರಕುಗಳಲ್ಲಿ ಜಲಸಂಗ್ರಹ ಇರುತ್ತದೆ. ಆದರೆ ವೇಗವಾಗಿ ಡ್ರಿಲ್ ಮಾಡಿದರೆ ಆ ನೀರು ಹೊರಗೆ ವ್ಯಕ್ತವಾಗದೇ ಹೋಗಬಹುದು.
ಇದನ್ನೂ ಓದಿ: Sarakari Jameenu Sakrama: ಸರ್ಕಾರಿ ಜಮೀನು ಸಕ್ರಮ ಹೇಗೆ? ರೈತರಿಗೆ ಸಂಪೂರ್ಣ ಮಾರ್ಗದರ್ಶಿ
ತೇವಾಂಶ (Moisture) ಕಂಡಾಗ ಏನು ಅರ್ಥ?
ಬಹಳ ಬಾರಿ 900-1000 ಅಡಿಯಲ್ಲಿ ಸ್ವಲ್ಪ ತೇವಾಂಶ ಕಾಣಬಹುದು. ರೈತರು ‘ನೀರು ಬಂತು!’ ಎಂದು ಖುಷಿಪಡುತ್ತಾರೆ. ಆದರೆ ಎರಡು ರಾಡ್ (Rod) ಮುಂದಕ್ಕೆ ಹೋದರೆ ಮತ್ತೆ ಒಣ ಪುಡಿ ಬರುತ್ತದೆ.
ಇದು ಸಹಜ. ಏಕೆಂದರೆ, ಒಂದು ಇಂಚು ನೀರು ಇದ್ದರೆ ಅದು ಮಣ್ಣಿನ ಪುಡಿಯನ್ನು ಪೇಸ್ಟ್ ಆಗಿ ಮಾಡುತ್ತದೆ. ಆದರೆ ಹೆಚ್ಚು ಒತ್ತಡ (Pressure) ಇಲ್ಲದಿದ್ದರೆ ಆ ನೀರು ಮೇಲಕ್ಕೆ ಬರೋದಿಲ್ಲ. ಹೊರಗೆ ನೀರು ಕಾಣಿಸದಿದ್ದರೂ ಒಳಗೆ ಸಣ್ಣ ಪ್ರಮಾಣದ ಜಲ ಸಂಗ್ರಹ ಇರಬಹುದು. ಆದ್ದರಿಂದ ತಕ್ಷಣ ನಿರಾಶರಾಗಬಾರದು.
ಫಾಸ್ಟ್ ರಿಗ್ (High Speed Drilling) ಲಾಭವೇ? ನಷ್ಟವೇ?
ಇಂದಿನ ದಿನಗಳಲ್ಲಿ ಹೈ-ಟೆಕ್ನಾಲಜಿ ರಿಗ್ಗಳು (High-Tech Rigs) ಬಳಸಲಾಗುತ್ತಿದೆ. 5 ನಿಮಿಷಕ್ಕೆ 20 ಅಡಿ ಕೊರೆಸುವ ಸಾಮರ್ಥ್ಯ ಇದೆ. ಇದು ಸಮಯ ಉಳಿಸುತ್ತದೆ. ಆದರೆ ಕೆಲವೊಮ್ಮೆ ನೀರು ವ್ಯಕ್ತವಾಗಲು ಬೇಕಾದ ಸಮಯ ಕೊಡದೇ ಹೋಗಬಹುದು.
ವೇಗವಾಗಿ ಕೊರೆಸುವುದರಿಂದ ಸಣ್ಣ ಜಲಸಂಧಿಗಳು (Water Veins) ಮಿಸ್ ಆಗಬಹುದು. ನೀರಿನ ಒತ್ತಡ ಕಡಿಮೆ ಇದ್ದರೆ ಮೇಲಕ್ಕೆ ಬರಲು ಸಾಧ್ಯವಾಗುವುದಿಲ್ಲ. ತೇವಾಂಶ ಇರುವ ಪ್ರದೇಶವನ್ನೂ ಡ್ರೈ ಎಂದು ತಪ್ಪಾಗಿ ಅರ್ಥಮಾಡಿಕೊಳ್ಳಬಹುದು.
ತಕ್ಷಣ ಬೋರ್ವೆಲ್ ನಿಲ್ಲಿಸಬೇಕೇ?
ಇಲ್ಲ. ತಕ್ಷಣ ಸಡನ್ ಡಿಸಿಷನ್ (Sudden Decision) ತೆಗೆದುಕೊಳ್ಳುವುದು ಸರಿಯಲ್ಲ. ಬೋರ್ವೆಲ್ 1000 ಅಡಿಯಲ್ಲಿ ನೀರು ಸಿಗಲಿಲ್ಲ ಎಂದು ನಿಲ್ಲಿಸಿದರೆ, ಮತ್ತೊಂದು 50-100 ಅಡಿ ಒಳಗೆ ಉತ್ತಮ ಜಲಸಂಧಿ ಇರಬಹುದು.
ವೈಜ್ಞಾನಿಕವಾಗಿ (Scientifically) ನೋಡಿದರೆ, ಭೂಗರ್ಭಜಲ (Groundwater) ಸಮಾನವಾಗಿ ಹರಡಿರುವುದಿಲ್ಲ. ಅದು ಚಿರಕುಗಳಲ್ಲಿ, ಪದರಗಳಲ್ಲಿ ಮಾತ್ರ ಸಿಗುತ್ತದೆ.
ಇದನ್ನೂ ಓದಿ: Land Podi Delay: ಜಮೀನು ಪೋಡಿ: ನಿಮ್ಮ ಅರ್ಜಿ ಸ್ಥಿತಿ ಹೇಗಿದೆ? ರೈತರಿಗೆ ಮಹತ್ವದ ಮಾಹಿತಿ ಇಲ್ಲಿದೆ…
ಕೇಸಿಂಗ್ ಪೈಪ್ ತೆಗೆದುಹಾಕಬೇಡಿ!
ಅತ್ಯಂತ ಮುಖ್ಯ ಸಲಹೆ ಏನೆಂದರೆ ಬೋರ್ವೆಲ್ ಮುಚ್ಚಬೇಡಿ. ಕೇಸಿಂಗ್ ಪೈಪ್ ತೆಗೆದುಹಾಕಬೇಡಿ. ಯಾಕೆಂದರೆ, ಭವಿಷ್ಯದಲ್ಲಿ ಮರುಪೂರ್ಣ (Recharge) ಸಾಧ್ಯತೆ ಇದೆ. ಮಳೆ ಬಂದ ನಂತರ ನೀರು ಸಂಗ್ರಹವಾಗಬಹುದು.
ಒAದು ವಾರ ಅಥವಾ ಒಂದು ತಿಂಗಳ ನಂತರ ಗಾಳಿ ಬಿಟ್ಟರೆ (Air Compressor) ನೀರು ಹೊರಬರುವ ಸಾಧ್ಯತೆ ಇದೆ. ಕೆಲ ರಾಜ್ಯಗಳಲ್ಲಿ, ಉದಾಹರಣೆಗೆ ತಮಿಳುನಾಡಿನಲ್ಲಿ, ಕೇಸಿಂಗ್ ಪೈಪ್ ತೆಗೆದುಹಾಕಬಾರದು ಎಂಬ ನಿಯಮಗಳಿವೆ.
ಕ್ಯಾಮೆರಾ ಪರಿಶೀಲನೆ (Borewell Camera Inspection)
ಇಂದು ಬೋರ್ವೆಲ್ ಒಳಗೆ ಕ್ಯಾಮೆರಾ ಬಿಟ್ಟು ಪರಿಶೀಲಿಸುವ ತಂತ್ರಜ್ಞಾನ ಲಭ್ಯವಿದೆ. ಇದರಿಂದ ಒಳಗಿನ ಚಿರಕುಗಳು ಕಾಣಿಸುತ್ತವೆ. ನೀರಿನ ಹಾದಿಗಳು ಗೋಚರಿಸುತ್ತವೆ. ಡ್ರೈ ಗ್ಯಾಪ್ಸ್ ನಡುವೆಯೂ ಜಲವಾಹಿನಿಗಳು ಇರುತ್ತವೆ ಎಂಬುದು ಗೊತ್ತಾಗುತ್ತದೆ.
ಹೆಚ್ಚು ಜನರಿಗೆ ಹೊರಗೆ ನೀರು ಕಾಣಿಸದಿದ್ದರೂ, ಪಂಪ್ ಹಾಕಿದ ಮೇಲೆ 1 ಇಂಚು ಅಥವಾ 2 ಇಂಚು ನೀರು ಸಿಕ್ಕ ಉದಾಹರಣೆಗಳು ಅನೇಕ.
1 ಇಂಚು ನೀರೇ ಸಾಕು!
ಅನೇಕ ರೈತರು ‘5 ಇಂಚು ನೀರು ಬೇಕು’ ಎಂದು ಭಾವಿಸುತ್ತಾರೆ. ಆದರೆ, ಹನಿ ನೀರಾವರಿ (Drip Irrigation) ಬಳಸಿ, ನೀರಿನ ಬಜೆಟ್ (Water Budgeting) ಮಾಡಿಕೊಳ್ಳಿ.
ಕಡಿಮೆ ನೀರಿನ ಬೆಳೆ (Low Water Crops) ಆಯ್ಕೆ ಮಾಡಿ. ಕೋಲಾರ, ಬೀದರ್, ಬೆಳಗಾವಿ ಮುಂತಾದ ಬರ ಪ್ರದೇಶಗಳಲ್ಲಿ 1 ಇಂಚು ನೀರಿನಿಂದಲೇ 2-3 ಎಕರೆ ಬೆಳೆ ಬೆಳೆದ ಉದಾಹರಣೆಗಳಿವೆ.
ಇದನ್ನೂ ಓದಿ: NADEP Compost Guide: ಸಗಣಿ ಗೊಬ್ಬರವನ್ನು ಬಳಸುವ ವೈಜ್ಞಾನಿಕ ವಿಧಾನ | ಹೀಗೆ ಬಳಸಿದರೆ ಸಿಗಲಿದೆ ಹತ್ತಾರು ಲಾಭ
ನೀರು ಮರುಪೂರ್ಣ (Recharge) ಮಾಡುವ ವಿಧಾನಗಳು
ಬೋರ್ವೆಲ್ ಸಫಲವಾಗಲು ಮರುಪೂರ್ಣ ಅತ್ಯಗತ್ಯ.
- ರೀಚಾರ್ಜ್ ಪಿಟ್ (Recharge Pit) ನಿರ್ಮಿಸಿ
- ಮಳೆನೀರು ಸಂಗ್ರಹಣೆ ಮಾಡಿ
- ತೋಟದ ಸುತ್ತ ಮಣ್ಣಿನ ಬಂಡೆ (Bunds) ನಿರ್ಮಿಸಿ
- ಜಲ ಸಂರಕ್ಷಣೆ ಕ್ರಮ ಅನುಸರಿಸಿ
- ಇದರಿಂದ ಕೆಲವು ತಿಂಗಳ ನಂತರ ಬೋರ್ವೆಲ್ ಜೀವಂತವಾಗಬಹುದು.
ಸೂಕ್ತ ಮೋಟಾರ್ ಆಯ್ಕೆ (Suitable Pump Selection)
ನೀರು ಕಡಿಮೆ ಇದ್ದರೆ ಹೈ ಪವರ್ ಮೋಟಾರ್ ಹಾಕುವುದು ತಪ್ಪು. ಲೋ ಡಿಸ್ಚಾರ್ಜ್ ಪಂಪ್ (Low Discharge Pump) ಆಯ್ಕೆ ಮಾಡಿ. ನೀರಿನ ಮಟ್ಟಕ್ಕೆ ತಕ್ಕಂತೆ HP ನಿರ್ಧರಿಸಿ. ಒಮ್ಮೆಗೇ ಸಂಪೂರ್ಣ ನೀರು ತೆಗೆದುಕೊಳ್ಳಬೇಡಿ.
ರೈತರಿಗೆ ಮನೋಬಲವೇ ದೊಡ್ಡ ಶಕ್ತಿ
ಬೋರ್ವೆಲ್ ಕೊರೆಸುವಾಗ ನೀರು ಬರದಿದ್ದರೆ ಅದು ದೊಡ್ಡ ಮಾನಸಿಕ ಪರೀಕ್ಷೆ. ಆದರೆ ಹತಾಶರಾಗದೆ, ವೈಜ್ಞಾನಿಕ ಮಾಹಿತಿ ಪಡೆದು, ಜಲ ಸಂರಕ್ಷಣೆ ಮಾಡಿ, ಬೋರ್ವೆಲ್ ಉಳಿಸಿಕೊಂಡರೆ ಬಹುತೇಕ 100ರಲ್ಲಿ 90% ಬೋರ್ವೆಲ್ಗಳನ್ನು ಸಫಲಗೊಳಿಸಲು ಸಾಧ್ಯ.
ಲಕ್ಷಾಂತರ ರೂಪಾಯಿ ಖರ್ಚು ಮಾಡಿ ಬೋರ್ವೆಲ್ ಕೊರೆಸಿದ ನಂತರ ನೀರು ಬರಲಿಲ್ಲ ಎಂದು ತಕ್ಷಣ ಮುಚ್ಚಿಬಿಡುವುದು ಸರಿಯಲ್ಲ. ಜಲ ಸಂರಕ್ಷಣೆ, ಮರುಪೂರ್ಣ, ಸೂಕ್ತ ಪಂಪ್ ಆಯ್ಕೆ ಮತ್ತು ಹನಿ ನೀರಾವರಿ ಮೂಲಕ ಅದನ್ನು ಸಫಲಗೊಳಿಸಬಹುದು.
ರೈತನಿಗೆ ಆತ್ಮವಿಶ್ವಾಸ (Self Confidence) ಅತ್ಯಂತ ಮುಖ್ಯ. ಬೋರ್ವೆಲ್ ಫೇಲ್ಯೂರ್ ಅಂತ ಹೇಳುವ ಮುನ್ನ, ಅದಕ್ಕೆ ಮತ್ತೊಮ್ಮೆ ಜೀವ ಕೊಡುವ ಪ್ರಯತ್ನ ಮಾಡಿ. ನೀರನ್ನು ಉಳಿಸಿ, ಕೃಷಿಯನ್ನು ಉಳಿಸಿ, ರೈತನ ಬದುಕು ಉಳಿಸಿ…
20 Liter Milk Giving Deshi Cow: ₹15 ಸಾವಿರದಲ್ಲಿ 20 ಲೀಟರ್ ಹಾಲು ನೀಡುವ ದೇಸಿ ಹಸು | ರೈತರಿಗೆ ಸುವರ್ಣಾವಕಾಶ